मोबाईलवरून फक्त ५ मिनिटांत भरा 'SIR इन्युमरेशन फॉर्म'; जाणून घ्या ए टू झेड (A to Z) प्रोसेस

SIR Form Online Kasa Bharava: एसआयआर (SIR) ऑनलाईन फॉर्म कसा भरावा? जाणून घ्या संपूर्ण ए टू झेड (A to Z) सोपी पद्धत

२९ जुलै २०२६ पर्यंत महाराष्ट्रातील सर्व नागरिकांना SIR (Special Intensive Revision) म्हणजेच इन्युमरेशन फॉर्म (Enumeration Form) भरणे बंधनकारक करण्यात आले आहे. जर तुम्ही हा फॉर्म मुदतीत भरला नाही, तर electorate (मतदार) यादीमधून तुमचे नाव कट होण्याची शक्यता आहे.

हा फॉर्म भरण्याच्या दोन पद्धती आहेत.

🔻ऑनलाईन पद्धत.

🔻ऑफलाईन पद्धत. 

आजच्या या ब्लॉग पोस्टमध्ये आपण घरबसल्या मोबाईलच्या माध्यमातून ऑनलाईन पद्धतीने SIR म्हणजेच Self Enumeration Form फॉर्म कसा भरायचा, याची संपूर्ण आणि सोपी स्टेप-बाय-स्टेप माहिती पाहणार आहोत.

📌ऑनलाईन फॉर्म भरण्यापूर्वीच्या २ अत्यंत महत्त्वाच्या अटी

ऑनलाईन पद्धतीने फॉर्म भरण्यापूर्वी तुमच्याकडे खालील दोन गोष्टी असणे अनिवार्य आहे. जर या अटी पूर्ण होत नसतील, तर तुम्हाला बीएलओ (BLO) कडे जाऊन ऑफलाईन पद्धतीनेच फॉर्म भरावा लागेल.

🔸नाव समान असणे आवश्यक: तुमच्या आधार कार्डवर असलेले इंग्लिश मधील नाव आणि मतदान कार्डवर (Voter ID) असलेले इंग्लिश मधील नाव, दोन्हीची स्पेलिंग ए टू झेड (A to Z) तंतोतंत जुळली पाहिजे.

🔸मोबाईल नंबर लिंक असणे: तुमच्या मतदान कार्डला तुमचा चालू मोबाईल नंबर लिंक असणे गरजेचे आहे. जर लिंक नसेल, तर तो कसा लिंक करायचा याची माहितीही खाली दिली आहे.

🛠️ स्टेप १: 'ECI Net' ॲप इन्स्टॉल करा आणि रजिस्ट्रेशन करा

🔸सर्वप्रथम तुमच्या मोबाईलमधील Play Store ओपन करा.

🔸सर्च बारमध्ये ECI Net असे टाईप करून सर्च करा आणि हे केंद्रीय निवडणूक आयोगाचे अधिकृत ॲप इन्स्टॉल करा.

🔸ॲप OPEN करून आवश्यक त्या परवानग्या (Permissions) द्या.

🔸जर तुमचे या ॲपवर आधीच अकाउंट असेल, तर मोबाईल नंबर टाकून लॉग इन करा. नवीन युजर्सनी 'New User' वर क्लिक करून मोबाईल नंबर आणि ओटीपी (OTP) च्या साहाय्याने आपले नवीन रजिस्ट्रेशन (Registration) करून घ्यावे.

🔍 स्टेप २: सन २००२ च्या मतदार यादीत नाव शोधणे (महत्त्वाचा भाग)

🔸मुख्य फॉर्म भरण्यापूर्वी तुम्हाला २००२ च्या यादीतील नाव शोधून त्याचा स्क्रीनशॉट घेणे आवश्यक आहे.

🔸ॲपच्या मुख्य स्क्रीनवर असलेल्या 'Search your name in last SIR' या पर्यायावर क्लिक करा.

🔸तुमचे राज्य (Maharashtra), जिल्हा आणि तुमचा मतदारसंघ निवडा.

🔸२००२ च्या यादीमध्ये तुमचे स्वतःचे नाव शोधा. जर तुमचे नाव नसेल, तर तुमच्या वडिलांचे, आईचे, आजोबांचे किंवा आजीचे नाव टाकून सर्च करा.

🔸नाव सापडल्यानंतर त्याचा स्क्रीनशॉट (Screenshot) काढून ठेवा, कारण त्यातील भाग क्रमांक (Part Number) आणि अनुक्रमांक (Serial Number) आपल्याला पुढे फॉर्म भरताना लागणार आहे.

📲३: मतदान कार्डला मोबाईल नंबर लिंक करणे (आवश्यक असल्यास)

🔸जर तुमच्या मतदान कार्डला मोबाईल नंबर लिंक नसेल, तर ॲपमध्ये दिलेल्या 'Click Here' या लिंकवर जाऊन तुम्ही १ मिनिटात तो अपडेट करू शकता.

🔸'Correction of Entries' (फॉर्म ८) हा पर्याय निवडा.

🔸तुमचा मतदार कार्ड नंबर टाकून राज्य निवडा आणि पुढे जा.

🔸'Mobile Number' च्या पर्यायावर टिक करून तुमचा चालू मोबाईल नंबर टाका आणि ओटीपी (OTP) द्वारे तो व्हेरिफाय करा.

🔸शेवटी आधार नंबर टाकून ओटीपी व्हेरिफाय करा, तुमचा मोबाईल नंबर एका मिनिटात अपडेट केला जाईल.

📝 स्टेप ४: एसआयआर इन्युमरेशन फॉर्म ऑनलाईन भरणे (Main Process)

मोबाईल नंबर आणि नाव अचूक असल्यास मुख्य फॉर्म भरण्यासाठी खालील स्टेप्स फॉलो करा.

🔸ॲपमधील 'Voter Registration Form' या पर्यायावर क्लिक करा.

🔸त्यानंतर 'Special Intensive Revision (SIR) - Fill Enumeration Form Online' या पहिल्या बटनेवर क्लिक करा.

🔸तुमचे राज्य निवडा आणि तुमचा चालू मतदान कार्ड (EPIC) नंबर टाकून सर्च करा. तुमची संपूर्ण माहिती स्क्रीनवर दिसेल.

🔸तुमच्या लिंक असलेल्या मोबाईल नंबरवर Send OTP वर क्लिक करा आणि आलेला ओटीपी टाकून व्हेरिफाय करा.

🔄 योग्य पर्याय निवडा (Choose the Right Option):

ओटीपी व्हेरिफाय झाल्यानंतर स्क्रीनवर ४ पर्याय दिसतील, त्यापैकी तुमच्यासाठी लागू असलेला योग्य पर्याय निवडा.

🔸पर्याय १ (My Name exists in 2002 SIR): जर तुमचे स्वतःचे नाव २००२ च्या यादीत असेल तर (वय ३८ पेक्षा जास्त असणे आवश्यक).

🔸पर्याय २ (My Parents/Ancestors Name exists in 2002 SIR): जर तुमचे स्वतःचे नाव नसेल, पण आई, वडील, आजोबा किंवा आजी यांचे नाव २००२ च्या यादीत असेल तर.

🔸पर्याय ३: जर वरच्या दोन्ही यादीत नाव नसेल, पण कुटुंबातील सदस्यांचे नाव २०२५-२६ च्या चालू यादीत असेल तर.

🔸पर्याय ४ (Neither): जर कोणाचेच नाव कोणत्याही जुन्या यादीत सापडत नसेल, तर हा पर्याय निवडून थेट स्वतःची वैयक्तिक माहिती भरावी.

वैयक्तिक माहिती भरा.

🔸पुढील स्क्रीनवर तुमची जन्मतारीख, आधार नंबर (ऐच्छिक), वडिलांचे नाव व त्यांचा मतदार कार्ड नंबर, आईचे नाव व मतदार कार्ड नंबर, तसेच वराती असल्यास पती/पत्नीचे नाव आणि मतदार कार्ड नंबर भरा.

फोटो अपलोड करा.

तुमचा एक लेटेस्ट पासपोर्ट साईज फोटो (JPEG फॉर्मॅटमध्ये) अपलोड करा.

गावाचे नाव टाका (Place): 

तुमच्या गावाचे नाव लिहून पुढे जा.

🚀 स्टेप ५: फॉर्मची पडताळणी आणि अंतिम सबमिशन

🔸सर्व माहिती भरून झाल्यानंतर तुमच्यासमोर पूर्ण फॉर्मची Preview (पूर्वावलोकन) दिसेल. सर्व माहिती अचूक असल्याची खात्री करा.

🔸'I hereby declare that...' या चेकबॉक्सवर टिक करा आणि सबमिट बटनावर क्लिक करा.

🔸अंतिम सबमिशनच्या वेळी पुन्हा एकदा आधार व्हेरिफिकेशनसाठी आधार नंबर मागितला जाईल आणि ओटीपी पाठवला जाईल.

🔸ओटीपी टाकून सबमिट करा. फॉर्म यशस्वीरीत्या सबमिट झाल्यानंतर स्क्रीनवर रेफरन्स आयडी (Reference ID) मिळेल. त्याचा स्क्रीनशॉट काढून ठेवा.

💡 महत्त्वाची टीप: हा मिळालेला रेफरन्स आयडी किंवा स्क्रीनशॉट तुमच्या भागाच्या बीएलओ (BLO - Booth Level Officer) यांना व्हॉट्सॲपवर पाठवून द्यावा, जेणेकरून तुमचे काम ऑनलाईन पूर्ण झाल्याची त्यांना अधिकृत माहिती मिळेल.

❓ तुमचा फॉर्म सबमिट झाला की नाही कसे तपासावे?

पुन्हा एकदा ॲपमधील 'Fill Enumeration Form' मध्ये जाऊन तुमचा मतदार कार्ड नंबर टाकल्यास, तिथे 'Already Submitted' असा मेसेज दाखवेल. याचा अर्थ तुमचा फॉर्म यशस्वीरीत्या नोंदवला गेला आहे.

हा अत्यंत महत्त्वाचा फॉर्म असून २९ जुलै २०२६ पूर्वी सर्वांनी भरणे गरजेचे आहे. ही माहिती तुमच्या सर्व मित्र-मैत्रिणींना आणि नातेवाईकांना नक्की शेअर करा!

अधिक माहितीसाठी आणि थेट प्रात्यक्षिक पाहण्यासाठी तुम्ही मराठी कॉर्नरचा हा अधिकृत व्हिडिओ पाहू शकता.